បង្រៀនសិន ចាំលក់ជាក្រោយ។ នេះជាទ្រឹស្តីល្អមួយសម្រាប់អ្នកដែលធ្វើ Content Marketing គ្រប់គ្នា។ បើចង់បង្រៀនគេបាន យើងត្រូវមានមេរៀនជាមុនសិន។ នៅក្នុង Episode នេះ ខ្ញុំនឹងលើកឡើងពីអត្ថប្រយោជន៍៣យ៉ាង ដែលបានមកពី Online Course។ យើងមិនត្រូវគិតថា អ្នកដទៃចេះអ្វីដែលយើងចេះនោះទេ ព្រោះបើគិតបែបនេះ យើងមិនអាចជួយពួកគេបានទេ។ ការធ្វើអាជីវកម្ម គឺជាការជួយគ្នា ហើយ online Course ដែលយើងបង្កើតឡើង នឹងជួយមនុស្សជាច្រើនទៀតឲ្យមានជីវិតប្រសើរឡើង។
ត្រីមួយត្រក មានស្អុយមួយ អាចស្អុយទាំងអស់។ Content ក៏ដូចគ្នាដែរ។ បើមាន Content ហួសសម័យច្រើនពេក Content ផ្សេងទៀតក៏អាចត្រូវគេគិតដូចគ្នាដែរ។ ក្នុង Episode នេះ ខ្ញុំនឹងលើកពីចំណុច៣យ៉ាងដែលយើងត្រូវមើល មុននឹងសម្រេចថាលុប Content ណាចោល។
ការរកស៊ីថត Pre-wedding ជាការរកស៊ីមួយដែលអាចរកចំណូលបានច្រើនគួរសម ប៉ុន្តែមានរដូវរបស់វា។ បើមិនមែនជារដូវកាលរៀបការទេ ពួកគេអាចយកពេលមកធ្វើម៉ាឃីធីងបាន។ នៅក្នុង Episode នេះ ខ្ញុំនឹងលើកឡើងពីគំនិត៣យ៉ាងសម្រាប់ Content Marketing ដែលអ្នករកស៊ីផ្នែកថតការ អាចយកទៅប្រើដើម្បីរកបានម៉ូយច្រើនជាងមុន។ អ្នកថតការ ក៏អាចសរសេរប្លក់បានដែរ។
ដើម្បីកុំឲ្យច្រឡំ ខ្ញុំនឹងបកស្រាយឲ្យច្បាស់ថា Content Marketing ជាអ្វីឲ្យប្រាកដ។ អ្នកដែលនៅតែច្រឡំ ធ្វើឲ្យខូចឈ្មោះ Content Marketing និងទម្លាក់តម្លៃរបស់ Content នៅលើ អ៊ីនធឺណេត។ បើវាមិនមែនជាការលក់ តើវាជាអ្វី? បើចង់ដឹងច្បាស់ ស្តាប់ទាំងអស់គ្នា។
រឿងដើម្បីកូន កំពុងតែមានប្រជាប្រិយភាព នៅលើអ៊ីនធឺណេត ស្រាប់តែចេញសៀវភៅ ដើម្បីកូន មកមួយទៀត។ នេះជាការ Repurpose Content មួយដែលខ្ញុំទើបនឹងឃើញក្នុងវិស័យភាពយន្តកម្ពុជា។ នៅក្នុង Episode នេះ ខ្ញុំនឹងលើកយករឿងដើម្បីកូន មកពន្យល់ពីការ Repurpose Content សម្រាប់អ្នកធ្វើទីផ្សារ។ គ្មានអ្នកណាចូលចិត្ត Content ដដែលៗទេ លើកលែងតែ Content នោះជាអ្វីដែលគេចូលចិត្តរួចហើយ។
មិនថាយើងធ្វើអ្វីក៏ដោយ យើងត្រូវតែមានផ្នត់គំនិតសមស្របជាមួយនឹងអ្វីដែលយើងធ្វើ។ នៅក្នុង Episode នេះ ខ្ញុំនឹងលើកពីផ្នត់គំនិតរបស់អ្នកផលិត Podcast និងប្រយោជន៍នៃការគិតបែបនោះ។ ផ្នត់គំនិតទាំងមូលនៅក្នុងនេះ ខ្ញុំរៀនពី Gary Vee។ ខ្ញុំមិនបានរំលឹកឈ្មោះគាត់មែន ប៉ុន្តែខ្ញុំមិនលាក់ជាមួយអ្នកស្តាប់ទេ។ អ្នកស្តាប់ ជាអ្នកវាយតម្លៃ ហេតុនេះអ្នកមិនចាំបាច់វាយតម្លៃខ្លួនឯងទេ។ ចូលរួមជាមួយខ្ញុំ ដោយបង្កើត Podcast ទាំងអស់គ្នា។
ខ្ញុំធ្វើការនៅក្រុមហ៊ុន Khalibre ដែលជាក្រុមហ៊ុនមកពីសិង្ហបុរី។ នៅក្នុង Episode នេះ ខ្ញុំនឹងលើកពីឧទាហរណ៍ជាក់ស្តែងនៃការប្រើប្រាស់ Content Marketing នៅក្នុងក្រុមហ៊ុនដែលខ្ញុំធ្វើការ។ ខ្ញុំក៏ឲ្យយោបល់ទាក់ទងនឹង Khmer24 ផងដែរ។ Content Marketing ប្រើសម្រាប់អាជីវកម្មដែលមានគោលដៅរយៈពេលវែង និងខ្វាយខ្វល់ពី Brand របស់ខ្លួនឯង។
សៀវភៅសម្លេង មានទីផ្សារ។ សៀវភៅសម្លេង អាចយកមកធ្វើទីផ្សារបាន។ បើយើងមាន Ebooks ក្នុងដៃហើយ តើហេតុអ្វីបានជាមិនថតវាជាសម្លេង? ក្នុង Episode នេះ ខ្ញុំនឹងលើកឡើងពីមូលហេតុដែលយើងគួរតែថតសម្លេងសៀវភៅរបស់យើង។ អ្នកទាំងអស់គ្នានឹងដឹងថា ការថតសម្លេងសៀវភៅ មិនពិបាកដូចអ្វីដែលយើងគិតនោះទេ។ Episode នេះ តភាគពី Episode ទី២៨ ហេតុនេះបើមិនទាន់បានស្តាប់ទេ សូមចូលស្តាប់វិញ។
បើយើងគិតថា Cotent ដែលយើងបង្កើតមកមិនអស់លុយ នោះយើងក៏មិនឲ្យតម្លៃវាដែរ។ នៅក្នុង Episode នេះ ខ្ញុំនឹងលើកពីវិធីសាស្ត្រដែលយើងអាចយក Content ដែលយើងមានរួចហើយ មកប្រើឡើងវិញ។ ខ្ញុំក៏ប្រាប់ពីការចំណាយខ្លះរបស់ខ្ញុំទៅលើ Podcast នេះដែរ។
EBooks ជាផ្នែកមួយសំខាន់ក្នុងឌីជីថលម៉ាឃីធីង។ វាបង្កើតភាពជំនាញរបស់ Brand និងបង្កើតគុណតម្លៃដល់អ្នកប្រើប្រាស់។ នៅក្នុង Episode នេះ ខ្ញុំនឹងលើកឡើងពីរបៀបយកប្លក់មកធ្វើជា Ebook និងអត្ថប្រយោជន៍ដែលយើងបានមកពី Ebook។ ទោះបីយើងមិនលក់ Ebooks ក៏ដោយ ក៏យើងនៅតែមានប្រយោជន៍ដែរ។
Accede de inmediato a tus radios y podcasts favoritos desde el navegador, sin instalar nada.
Usa este atajo para guardar esta página en los favoritos del navegador.
Consejo: después encontrarás World Radio con un solo clic.
Aplicación móvil
Encuentra tus radios, podcasts y favoritos con una experiencia móvil más rápida y práctica.
